O IPC volve subir en xuño en Galicia e sitúase na media estatal

O Índice de Prezos de Consumo (IPC) en Galicia incrementouse un 0,3% en xuño en relación co mes anterior, e elevou tres décimas a súa taxa interanual, até o 2,3%, de acordo cos datos definitivos publicados este venres polo Instituto Nacional de Estatística (INE).

Desta forma, Galicia situouse en xuño na media nacional, xa que no conxunto estatal o IPC aumentou tamén un 0,3% en xuño en relación co mes anterior, e elevou dúas décimas a súa taxa interanual, até o 2,3%, o seu nivel máis alto dende abril de 2017 (2,6%).