O BNG dá a coñecer "Sumar por Galiza", canción para o 25 de xullo

Interpretada por Aida López --Cuarta Xusta-- e Jasper --vocalista de Nao--, a canción 'Sumar por Galiza' é o "himno" escollido este ano polo BNG para os seus actos do 25 de xullo. Con el, pretende "animar a sumar para abrir un tempo novo de esperanza", segundo recolle un comunicado.

Deste xeito, a formación frontista que lidera Ana Pontón repite por segundo ano o formato de videoclip para chamar a participar na mobilización que cada ano transcorre polas rúas de Compostela o Día da Patria Galega.