Falece un motorista de 75 anos en Mos (Pontevedra)

Un home de 75 anos, que conducía un ciclomotor, faleceu ás 13,15 horas deste domingo, nuns feitos que está a investigar a Garda Civil, que valora unha posible morte natural.

Segundo informou a Garda Civil, o home sufriu unha caída do ciclomotor, cando circulaba pola estrada local Alto de Borreiros, en Santiaguiño, en Mos.

O home é un veciño da localidade. Até o punto desprazáronse axentes da Garda Civil, que están a investigar as causas do falecemento e non descartan unha posible morte natural.