| 16/08/2018 | Actualizada ás 17:25 por EUROPA PRESS
Un veciño de Ferrol, C.C.V., de 70 anos de idade, residente na rúa Concepción Arenal, en pleno barrio da Magdalena, atópase desaparecido desde a madrugada do pasado martes, 14 de agosto, momento no que os seus achegados o botaron en falta.
O home vive só, pero ten uns familiares residentes na vivenda superior á do desaparecido, e foron eles os que se decataron da súa ausencia.
Horas antes da súa desaparición o septuaxenario recibira asistencia médica no Complexo Hospitalario Universitario de Ferrol (CHUF) por un problema de tipo respiratorio, o cal lle obriga a ter que utilizar un respirador, que apareceu na vivenda e que motivou a primeira alerta dos seus achegados ante a súa posible desaparición.
Segundo apuntaron fontes familiares a Europa Press o home vestía unha camisa azul de cadros, un pantalón beige, sendo a súa complexión delgada e unha estatura de aproximadamente un metro e setenta centímetros. Ademais, tamén trasladaron que ten problemas de mobilidade.
Algunhas pistas situárono na noite deste mércores ao xoves no barrio ferrolán de Ferrol Vello, onde se asegurou que o viron paseando por algunhas das súas rúas, pero até o lugar desprazáronse familiares e axentes da Policía Local de Ferrol que non lograron dar co seu paradoiro.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.