Estabilizado un incendio que afecta a 20 hectáreas en San Cristovo de Cea (Ourense)

Un incendio forestal que afecta a 20 hectáreas no municipio ourensán de San Cristovo de Cea quedou estabilizado ás 21,00 horas deste mércores.

O lume, declarado ás 16,35 horas, afecta á parroquia de Vales, segundo informa a Consellería do Medio Rural.

Nas tarefas de extinción participan un técnico, sete axentes, 19 brigadas, nove motobombas, dúas pas e medio aéreos.