Por E.P. | OURENSE | 30/10/2018 | Actualizada ás 17:32
Un home de 58 anos, M.V.R., faleceu na tarde deste martes nun accidente de tráfico ocorrido no municipio ourensán de Cualedro, despois de saírse da vía o vehículo que conducía.
Segundo informaron a Europa Press fontes do CIAE 112-Galicia, o accidente tivo lugar sobre as 15,00 horas na estrada OU-1020, ao seu paso polo lugar de Lucenza.
Até a zona foron desprazados os Bombeiros de Verín e un equipo do GES de Laza, que tiveron que intervir para liberar á vítima, que quedara atrapada.
Tamén se desprazaron dúas ambulancias asistenciais con persoal sanitario da PAC de Verín, aínda que non puido facer nada por salvar a vida do único ocupante do vehículo, que resultou falecido.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.