Ferido de consideración un mariñeiro despois de golpearse na súa embarcación en Boiro

Un mariñeiro resultou ferido de consideración na mañá deste martes mentres traballaba na súa embarcación no porto de Boiro, após recibir un golpe.

Segundo informou o Centro Integrado de Atención a Emerxencias 112-Galicia, dada a importancia das lesións ocasionadas, o 061 mobilizou ao helicóptero medicalizado con base en Santiago, que tomou terra no peirao de Cabo de Cruz.

Até a zona desprazáronse tamén efectivos da Garda Civil, Policía Local e Protección Civil. O ferido foi trasladado ao Hospital Clínico de Santiago.