Ferido o condutor dun camión de recollida de lixo que envorcou en Cambados

Os servizos de emerxencia prestaron asistencia na madrugada deste xoves ao condutor dun camión de recollida de lixo que resultou ferido ao envorcar o vehículo en Cambados (Pontevedra).

Segundo a información do CIAE 112-Galicia, o suceso ocorreu sobre as 3,10 horas, cando o camión circulaba pola VG-4.3 á altura de Corvillón.

Até a zona foron mobilizados os Bombeiros do Salnés, a Garda Civil de Tráfico, Protección Civil e persoal de mantemento de estradas. Tamén se desprazou persoal sanitario do 061, que trasladou ao ferido a un centro hospitalario.