Traballadores da Xunta maniféstanse en Santiago para denunciar a súa "discriminación"
Son centos de traballadores laborais da Administración Galega que denuncian o "desprezo" ao que son sometidos.
Por E.P. | SANTIAGO DE COMPOSTELA | 30/11/2018 | Actualizada ás 12:00
Varios centenares de persoas, máis dun milleiro segundo os sindicatos convocantes, manifestáronse este venres en Santiago para dicir ao presidente galego, Alberto Núñez Feijóo, que "xa está ben" do que consideran "discriminación" e "desprezo" ao persoal laboral da Xunta.
Así, en representación dos ao redor de 10.000 laborais da Administración autonómica, os portavoces de CIG, CSIF, UXT e CC.OO. esixiron a "recuperación de dereitos" en equiparación co resto de traballadores da Xunta.
Os participantes na marcha, que saíu de San Lázaro cara a San Caetano e que contaba con tambores e un altofalante con música, corearon consignas como 'Feijóo, escoita, o persoal laboral está en loita' e 'feitos, feitos, feitos, queremos máis dereitos'.
