Por Europa Press / Redacción | PONTEVEDRA | 13/12/2018 | Actualizada ás 10:55
A Guardia Civil investiga o asalto rexistrado na noite deste mércores nunha casa situada na parroquia de Beluso no termo municipal de Bueu (Pontevedra), de onde dous encapuchados fuxiron con xoias e diñeiro após amordazar aos residentes.
Segundo informaron a Europa Press fontes da investigación, os feitos sucederon sobre as 20,00 horas deste mércores nunha casa situada no lugar de Sanamedio, na parroquia de Beluso.
As mesmas fontes apuntaron que dous encapuchados "maniataron a algunhas persoas" na vivenda e levaron "xoias, diñeiro e teléfonos móbiles".
Após ter constancia do asalto, tamén se desprazaron á zona efectivos da Policía Local, que realizaron un "cordón a unha distancia" por varias rúas para tratar de localizar aos dous asaltantes, indicaron fontes policiais.
A vivenda asaltada atópase nun lugar xunto á capela, nunha aldea onde hai casas próximas. A Guardia Civil investiga traballa para esclarecer os feitos e localizar e deter aos autores.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.