O Consello das Mareas quere retomar as primarias antes de fin de ano e os críticos cúlpano de "usurpar funcións"

Con todo, dende o máximo órgano político da organización aseguraron que non serán "nin a coordinadora nin o Consello os que levanten" o veto ao proceso. O sector crítico considera que se trata dunha "burla e unha estafa".

Por Europa Press / Redacción | SANTIAGO DE COMPOSTELA | 15/12/2018 | Actualizada ás 13:00

Comparte esta noticia

O Consello das Mareas -máximo órgano político da organización- acordará, nunha reunión este sábado en Santiago, suxerir á Comisión de Garantías e ao Comité Electoral unha data para reanudar as primarias que renoven a directiva do partido. Pretenden que sexa "antes de fin de ano" para axilizar un proceso paralizado dende o pasado 1 de decembro, tras detectarse "irregularidades" no censo. Pola súa banda, o  sector crítico do partido non intervirá nesta xuntanza e acusa á coordinadora de "usurpar as funcións do Comité Electoral".

Unha reunión do Consello das Mareas
Unha reunión do Consello das Mareas | Fonte: EP

Así o avanzou, en declaracións aos medios momentos antes da reunión, o membro do máximo órgano do partido instrumental Xurxo Triñanes, quen explicou que, con todo, non serán "nin a coordinadora nin o Consello os que levanten" o veto ao proceso.

Segundo as súas palabras, as "irregularidades" detectadas, polas que xa se elaboraron dúas auditorías -unha interna e outra externa-, correspóndense con dous membros do Comité Electoral, órgano formado por maioría do sector crítico coa actual dirección, que "querían dar altas e baixas de xente que non estaba correctamente inscrita" en En Marea.

OS CRÍTICOS DESMÁRCANSE

Ademais, momentos antes de comezar o Consello, fixeron declaracións tres dos seus membros pertencentes ao sector crítico, Oriana Méndez, Paula Rodríguez e Daniel Calvete. Este último explicou que "non" ían participar na reunión "porque é unha burla e unha estafa".

"Houbo un plenario no que se tomaron unha serie de acordos que non se están cumprindo", esgrimiu, para despois denunciar que é a coordinadora, un "órgano en funcións", a que "usurpa as funcións do Comité Electoral". "Esta reunión non ten ningún tipo de sentido", remarcou.

Así as cousas, Calvete esixiu "convocar de forma inmediata as eleccións", xa que, ao seu modo de ver, "está demostrado" que "non houbo manipulacións do censo" e que "se puido votar" a fin de semana do 1 de decembro.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 7 comentarios

5 Xanc

Deixade si BNG tranquilo oh! Xa pasou, xa marchástedes no 2.012. Dende entón o Bloque levou varios reveses electorais, aumentou militancia e corrixiu erros que hoxe parasitan na Marea. O Bloque non se equivoca de inimigo nin de compañeiros de viaxe: prefire a ERC e Bildu que a Podemos (Errejón disque quer rojigualdas nos balcóns) ou Izquierda Unida (xa dixo Garzón que de autodeterminación nada de nada). O dito, deixade ao nacionalismo/soberanismo Galego en paz.

4 Agárrate saxo

Foi en Ourense onde se manipularon unhas primarias de En Marea, chegando a ridículas situacións como a votar o alcalde do PP pola Peroxa? Os funcionarios da Deputación Clientelar de Ourense, entre eles a familia Bruzos, entraron polo ben que lle rin as grazas ao cacique?

3 Alpinista

Pensaba que o máis baixo no que podía caer a especie humana era a ser un adepto de partido. E vía aos enchufados pola mafia do Partido Podre defendendo o indefendible. Tamén os ridículos do PsoEspañol, disimulando a monarquía bananeira e a cal viva, para engordar a parentela. Ou os taparrabos do BNG, pois o negocio do aparato mantén clientes agradecidos. E agora coa Marea chega ao patetismo supino, o postureo xa non abonda, agora presumen de ir coas navallas na man. E dinse comunistas, independentistas, arredistas, rupturistas... Uns equilibristas para chupar do bote e uns falsos a máis non poder: tres presuntos delincuentes e un cuarto subvencionado pola familia Baltares.

2 Zozobra

O Sr. Bruzos debería aclarar se Baltar podería condicionalo nalgún momento, debido as grandes vinculacions e relacions que a sua nai ten co blatarismo. O sr. Bruzos foi un privilexiado toda a vida podendo viaxar ao extranxeiro e estudar e vivir con cartos procendentes do PP de Baltar. Pero para encabezar unha candidatura alternativa ao Villarismo non terán unha persoa mais honesta e libr? Mal por mal prefiro o villano...

1 comunista independentista

Estes golpistas non poden decidir nada. Son un organismo en funcións dende o Plenario do 26 de outubro. Cando sexan derrotados deberán pagar por todo o que están a facer.

1 ContaConta

E lo como vai ser? Purgação clásica? Mirade ben iso porque non sei se os efepegay0os poden vivir sen uun inimigo interno, ainda que axiña atoparedes outro.Que teñas un gran aquelarre na malatesta!

2 peguay

CI falas como os do PP, tes parentes por aí?