Buscan un operario desaparecido no porto exterior da Coruña

Efectivos de Salvamento Marítimo buscan a un traballador desaparecido no porto exterior da Coruña, segundo informou o 112 Galicia.

A media mañá, deuse o aviso da ausencia dun dos operarios despois de que, ao redor das 09,00 horas, os seus compañeiros "o botasen en falta", explicaron desde a Autoridade Portuaria.

Trátase dun traballador das obras de construción dun novo peirao na zona de Punta Langosteira. Unha vez recibido o aviso, desde o 112 informouse tamén á Policía Local, á Garda Civil, ao 061 e a Protección Civil.