O saldo de comercio exterior medra un 2,1%, pero soben máis as importacións

Por provincias, os mellores datos corresponden á Coruña e Ourense. No conxunto estatal, o déficit comercial rexistrado ata novembro aumentou un 33% respecto do mesmo período no 2017.

Por E.P. | SANTIAGO DE COMPOSTELA | 21/12/2018 | Actualizada ás 11:50

Comparte esta noticia

O saldo do comercio exterior de Galicia creceu un 2,1% entre xaneiro e outubro, até os 376 millóns de euros, se ben é certo que subiron máis as importacións (+20%) que as exportacións (+16,5%).

Parte do porto de Vigo. EUROPA PRESS/ARCHIVO / Europa Press
Parte do porto de Vigo. EUROPA PRESS/ARCHIVO / Europa Press

Segundo o informe mensual do Ministerio de Industria, as exportacións galegas subiron un 16,5%, até situarse nos 2.227,6 millóns, mentres que as exportacións se incrementaron un 20%, até 1.851,6 millóns.

Por provincias, o mellor saldo é o da Coruña, 3.385,3 millóns de euros; seguido do de Ourense, 270,9 millóns de euros. Con todo, foron negativos os de Pontevedra, en 223,8 millóns e Lugo, 45,7 millóns.

Un mes máis, manufacturas de consumo, bens de equipo e sector do automóbil volveron ser os principais do comercio exterior da comunidade.

DATOS ESTATAIS

No conxunto estatal, con datos de comercio declarado, as exportacións españolas de mercadorías subiron un 3,8% no período xaneiro-outubro respecto do mesmo período no ano anterior. Alcanzáronse os 238.576 millóns de euros.

As importacións creceron un 6,3% até os 266.600 millóns. Como resultado, o déficit comercial do dez primeiros meses do ano situouse en 28.024 millóns de euros, un 33% máis que o rexistrado no mesmo período de 2017 (variacións calculadas respecto dos datos provisionais do período anterior).

A taxa de cobertura -cociente entre exportacións e importación-- situouse no 89,5% (91,6% en xaneiro-outubro de 2017). En termos de volume, as exportacións creceron un 0,7%, xa que os prezos, aproximados polos índices de valor unitario, ascenderon un 3,1%.

As importacións aumentaron un 1,9%, pois os prezos subiron un 4,3%. O saldo non enerxético arroxou un déficit de 7.008 millóns de euros (déficit de 3.783 millóns no acumulado até outubro de 2017) e o déficit enerxético aumentou un 21,6%, até os 21.016 millóns de euros (desde 17.290 millóns en 2017).

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta