Vázquez Almuiña nega colapsos en Urxencias do CHUS mais recoñece un incremento de pacientes
O conselleiro de Sanidade di que o servizo de Urxencias non se pode planificar polas súas características o que ocasina picos de doentes.
Por Europa Press / Redacción | PONTEVEDRA | 04/01/2019 | Actualizada ás 17:16
O conselleiro de Sanidade, Jesús Vázquez Almuiña, negou que o servizo de Urxencias do Complexo Hospitalario Universitario de Santiago padezan unha situación de colapso, e precisou que pode haber un "pico" asistencial por ser época de procesos gripais e respiratorios que, en todo caso, non é maior que o vivido no mesmo período do ano pasado.
Así o manifestou, a preguntas dos medios, durante unha visita ao centro de saúde do Porriño (Pontevedra), e aseverou que 'colapso' "non é a palabra correcta" para definir a situación de Urxencias do CHUS.
Segundo recordou Vázquez Almuiña, este servizo "non se pode planificar" polas súas propias características, xa que gran parte dos pacientes acoden por decisión persoal e "pode haber un pico"; á vez que incidiu en que se está traballando para que non haxa influencia" do conflito de persoal --levan case dous meses en folga, en demanda de máis recursos humanos e materiais-- na atención aos pacientes.
Así, o conselleiro asegurou que, "neste momento, a asistencia está a prestarse con total dilixencia", aínda que admitiu que en períodos como o actual, de incidencia de gripe e outras complicacións respiratorias, "increméntanse os pacientes". No entanto, aclarou que, comparado co mesmo período do ano pasado, non creceu o número de pacientes, e incluso, "hai unha tendencia a un menor número de urxencias" que en 2018.
Por outra banda, e en alusión ao conflito do persoal deste servizo, o conselleiro limitouse a recordar que a xerencia do CHUS "está a falar cos profesionais para negociar" e "hai ofertas claras de mellora" que levarán a votación o 14 xaneiro, aínda que o Sergas preferise que a decisión se tomase "antes".
