Un manifesto pola inclusión das ensinanzas artísticas na universidade

Alumnos de centros galegos mobilizaranse este venres, 18 de xaneiro, para reclamar que se integren as ensinanzas artísticas no sistema universitario.

Con este motivo, lerase un manifesto ás 11,30 horas na Escola Superior de Conservación e Restauración de Bens Culturais de Galicia (Pontevedra) e na Escola Superior de Arte Dramática de Galicia (Vigo). En concreto, trátase do 'Manifesto do 14 decembro. Universidade xa!', que denuncia a inacción dos gobernos na solución dun problema "que está a condenar a ese sector educativo".

Estas protestas están impulsadas pola Plataforma pola Integración dos Ensinanzas Artísticas na universidade, un grupo formado a partir de 2010 por mor das sentenzas do Tribunal Supremo que retirou a titulación de grao para os ensinos artísticos.

Así, explican que a situación "se complica aínda máis" despois de que nos últimos anos medrara de forma exponencial a oferta de centros privados que, amparados en convenios de adscrición coa universidade pública, ofrecen graos e posgraos en ensinos artísticos en todas as súas especialidades.

Todo iso xera "unha discriminación negativa do alumnado da educación pública, dos centros e da súa oferta educativa, así como das súas posibilidades de desenvolvemento institucional ou de competir en igualdade de condicións e oportunidades".