Non haberá partidas específicas da Xunta para afrontar as desfeitas dos ataques de lobos

Os socialistas denuncian que o PP vetou na Cámara unha proposta para mellorar a actual lexislación.

Por Galicia Confidencial | Compostela | 22/01/2019 | Actualizada ás 17:34

Comparte esta noticia

O PPdeG vetou este martes na Cámara unha iniciativa presentada polo portavoz de Agricultura do grupo socialista, Raúl Fernández, para a mellora da actual lexislación en materia de ataques de lobos. A proposición prevía a creación de partidas orzamentarias para a prevención de danos e a formación en ataques de lobo

Lobo adulto comendo carroña
Lobo adulto comendo carroña | Fonte: Xarde Gayol naturalezacantabrica.es

O parlamentario socialista explicou que a medida busca dar resposta a unha realidade na que “os ataques de lobo aumentan diariamente”. “So existe unha explicación, o abandono do rural, motivo polo que o lobo foi expandindo o seu hábitat ata o punto que hoxe en día ocupa o 72% do territorio, sendo os datos mais elevados en Lugo e Ourense”, dixo.

Por iso, sostivo a necesidade de crear partidas orzamentarias concretas para prever os danos causados polo lobo que inclúen a adquisición de mastín ou peches fixos con malla, entre outros. Ademais defendeu a necesidade de aumentar as partidas para a divulgación , o asesoramento e a investigación relacionada coa materia.

Fernández Fernández defendeu unha proposta na que se incluía a participación dos actores implicados na redacción do texto lexislativo que neste caso serían o sector gandeiro e as asociacións que promoven a convivencia entre a fauna salvaxe e a actividade humana.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta