Todo o Parlamento insta a Xunta a seguir coas medidas contra a praga da pataca ata a súa erradicación
O PP cre que as medidas postas en marcha pola Xunta están obtendo "resultados que convidan o optimismo".
Por E.P. | SANTIAGO DE COMPOSTELA | 28/02/2019 | Actualizada ás 20:47
O Parlamento galego instou por unanimidade este xoves á Xunta —tras unha proposición do PPdeG— a "seguir coas medidas e protocolos" establecidos na loita contra a praga da pataca ata conseguir a súa erradicación.
Durante o debate na comisión de Agricultura, o deputado popular Carlos Gómez Salgado defendeu as medidas postas en marcha pola Xunta con "resultados que convidan o optimismo", á vez que destacou a recente visita de técnicos da UE a Galicia na que constataron a eficacia das accións.
Pola súa banda, Davide Rodríguez (En Marea) botou en falta "autocrítica" por parte da Xunta, mentres José Pérez Seco (PSdeG) cre que xa "debía estar resolta".
A continuación, a deputada do BNG Noa Presas considera que esta iniciativa queda curta ao ter "pouca esixencia" en "un tema debatido tanto".
