O líder do PP de Galicia prefire Vox a un pacto co PSOE á alemana

"Creo en España e no meu goberno pero non se pode pactar cun partido que non cree nin en España, nin no país". Así respostou o presidente da Xunta, Alberto Núñez Feijóo, ao ser preguntado ante a posibilidade de asinar un pacto "á alemana" co PSOE. Isto provocaría que o PP, se ten posibilidades de goberno en Madrid, tivera que buscar o apoio de Vox.

Alberto Núñez Feijóo, co presidente do PP, Pablo Casado, e o da Junta de Andalucía, Juanma Morenom, na manifestación en Madrid contra Pedro Sánchez, secundada tamén polo partido ultradereitista Vox, falanxistas e neonazis | Fonte: @JuanMa_Moreno.

Feijóo dixo que o PSOE de Pedro Sánchez "é diferente ao de antes" e "só quere gobernar". Por iso, descartou que poida darse un "pacto de concentración" en España a semellanza do acontecido en Alemaña entre os socialdemócratas e os conservadores.  Ata o momento, o único pacto ao que chegou o PP foi con C's e Vox en Andalucía.

Por outra banda, e ante a proposta de C's de presentar listas conxuntas co PP ao Senado, Feijóo dixo descoñecela e foi máis alá. "Nós xa temos a nosa proposta e as listas pechadas", engadiu.