Inician unha campaña para promover o uso do galego na declaración da renda
Destacan que "hoxe en día" existen aplicacións informáticas que non ofrecen esta opción na Axencia Tributaria, e lembran que a elección da lingua ten "relación directa cos seus dereitos fundamentais".
Por Europa Press / Redacción | SANTIAGO DE COMPOSTELA | 25/03/2019 | Actualizada ás 19:01
A Asociación de Funcionarios pola Normalización Lingüística inicia unha campaña para promover o uso da lingua galega na presentación da declaración da renda de 2018, que iniciará o 2 de abril.
Nun comunicado, sinalan que cun xesto "sinxelo e inmediato", promóvese o exercicio dos dereitos e lánzase unha mensaxe á Administración do Estado, para que se corrixa "a inxusta situación e a marxinación" nos departamentos da súa competencia.
Neste sentido, destacan que "hoxe en día" existen aplicacións informáticas que non ofrecen esta opción na Axencia Tributaria, a Seguridade Social ou o ámbito da Xustiza, e lembran que a elección da lingua por parte dunha persoa ten "relación directa cos seus dereitos fundamentais" e o desenvolvemento da súa personalidade.
Ao longo do próximos tres meses, a asociación difundirá polas redes imaxes de cidadáns apoiando a citada campaña e remitiranse propostas de mocións para que os diferentes concellos fagan unha declaración en defensa desta iniciativa.
