Por Europa Press / Redacción | SANTIAGO DE COMPOSTELA | 24/04/2019 | Actualizada ás 13:05
A montaña de Ourense e de Lugo permanecerá durante este xoves con aviso amarelo por acumulación de neve e o litoral galego por ondas de máis de cinco metros de altura. Segundo o Boletín de tempo meteorolóxico con avisos publicado por Meteogalicia, recollido por Europa Press, a montaña de Ourense e Lugo terá aviso amarelo todo o xoves por acumulacións de neve superiores aos cinco centímetros por encima dos mil metros.
Mentres, entre as 3,00 e as 9,00 horas deste xoves o aviso será amarelo no litoral das Rías Baixas e na Costa da Morte por mar combinado do oeste con ondas de catro a cinco metros, tras o que pasará a laranxa por mar combinado do oeste con ondas de cinco a seis metros. Pola súa banda, na Mariña luguesa o aviso será amarelo e comezará ás 18,00 horas por mar combinado do noroeste con ondas de catro a cinco metros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.