Por Europa Press / Redacción | SANTIAGO DE COMPOSTELA | 21/05/2019 | Actualizada ás 17:28
O presidente do PP de Galicia, Alberto Núñez Feijóo, pediu o voto este martes a quen noutras eleccións optasen polo PSOE e aos "moitísimos socialistas que non estean de acordo co espectáculo" visto esta mañá cos presos do 'procés' como deputados electos na sesión de constitución das Cortes xerais.
"Ver a eses políticos independentistas, como rin de todos no Congreso e no Senado, como din que hai que construír a república catalá no mesmo momento que xuran ou prometen a Constitución porque non a van a cumprir nunca", criticou o tamén presidente da Xunta durante un mitin en Viveiro (Lugo) no que volveu sinalar o PSOE como responsable do que en realidade son decisións xudiciais baseadas na legalidade.
Por iso, e tras asegurar que hai "moitísimos socialistas que se senten españois", Feijóo suxeriu que "hai que pedirlles o voto" para o PP nas próximas eleccións municipais.
Mirando cara ao candidato popular á Alcaldía de Viveiro, Óscar Rodríguez, o líder do PP galego garantiu que eses votantes do PSOE "estarán moito máis seguros" con el á fronte do goberno local que coa actual rexedora socialista, María Loureiro.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.