O exconcursante galego de OT 2017 Roi Méndez: tocar na Quintana chea é "todo un soño"
Os concertos da Ascensión comezan este mércores 29 ás 21:30 h da noite co evento de Los 40, no que participarán Roi Méndez, Ana Guerra, Carlos Right e Nil Moliner.
Por Europa Press / Redacción | SANTIAGO DE COMPOSTELA | 29/05/2019 | Actualizada ás 14:07
O exconcursante galego de Operación Triunfo 2017 Roi Méndez, que este mércores actuará en Santiago xunto a Ana Guerra, Carlos Right e Nil Moliner, destacou que tocar na Praza da Quintana chea é para el "todo un soño".
Roi Méndez, que esta noite "xogará en casa", explicou que leva vendo catro anos este concerto "desde abaixo", pero desde fai tres tivo a oportunidade de acompañar aos artistas, como Álvaro Soler.
Tras subliñar que tocar na Quintana chea é "todo un soño", sinalou que este ano compartirá escenario con compañeiros que admira e cos que ten "un gran vínculo".
Os concertos das Festas da Ascensión en Santiago de Compostela comezan este mércores 29 de maio coas actuacións de Roi Méndez, Ana Guerra, Carlos Right e Nil Moliner, entre outros, a partir das 21,30 horas na Praza da Quintana da man de Los 40 Pop.
"COMO OS CABEZUDOS"
Ademais, estes artistas, vinculados ao programa de Operación Triunfo, compartirán o escenario con Ana Mena e Dani Fernández. O espectáculo será conducido polo locutor do programa 'Del 40 ao 1', Tony Aguilar, e contará cunha sorpresa que se desvelará esta noite.
O director da Cadena Ser, Mario Moreno, destacou nunha rolda de prensa que os concertos de Los 40, celebrados todos os anos coa colaboración da emisora, son xa "toda unha tradición como os cabezudos" e que "non se conciben estas festas sen este concerto".
