Por Europa Press / Redacción | SANTIAGO DE COMPOSTELA | 06/06/2019 | Actualizada ás 16:56
O presidente da Xunta, Alberto Núñez Feijóo, considerou que "sería gravísimo" que o Partido Socialista entregase aos "independentistas" o goberno "constitucional e estatutario" de Navarra. Así se pronunciou na rolda de prensa posterior á reunión de Consello ao ser preguntado pola opción exposta polo presidente de Unión do Pobo Navarro (UPN), Javier Esparza, de facilitar a investidura do socialista Pedro Sánchez se o PSOE se afasta da posibilidade de pactar con EH Bildu para a conformación do Goberno de Navarra.
Por "respecto" aos seus compañeiros de Navarra, Feijóo avogou por ser "cauteloso" e asegurou non ter confirmación de que esa proposta estea "formalmente" plantada, malia que desde UPN así se afirmou.
Con todo, si asegurou que lle "sorprendería moito" que os socialistas entregasen o goberno de Navarra ao independentismo, aínda que considerou que, "co PSOE actual, todo é posible".
"Imos ser prudentes en como se vai a desenvolver este asunto, pero cuestionar a constitucionalidade dun goberno e a españolidade de Navarra por parte dun goberno de España sería unha decisión sen precedentes", apuntou.
OURENSE
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.