Un xulgado da Coruña condena o Banco Santander a devolver 109.000 euros a catro subscritores de accións
Trátase de dous transportistas de Arzúa e os familiares directos deles, tras investir na emisión de valores de 2016 do Banco Popular, adquirido polo Santander.
Por Europa Press / Redacción | A CORUÑA | 06/06/2019 | Actualizada ás 19:10
O Xulgado de Primeira Instancia número uno da Coruña condenou ao Banco Santander, como sucesor do desaparecido Banco Popular, a devolver a dous transportistas de Arzúa e aos familiares directos deles uns 109.000 euros que investiran na emisión de valores de 2016 desta entidade, segundo informa o despacho de avogados Pérez-Lema.
Este despacho destaca, como novo, o feito de que "por primeira vez, o Santander renuncie a recorrer a sentenza" que, deste xeito, faise firme en todos os seus termos.
No fallo, a xuíza tamén dispón que se desconten da cantidade obxecto de devolución "os dividendos que xerasen as accións adquiridas no improbable caso de que efectivamente se xerasen".
Na sentenza, a maxistrada considera acreditado que "o folleto informativo, entregado polo Popular aos clientes, non reflectía a imaxe fiel da entidade emisora, nin os riscos que supón a emisión de accións para a ampliación do capital".
