Feridas catro persoas nunha colisión frontal en Forcarei

Catro persoas resultaron feridas, dúas delas de carácter grave, nun accidente de tráfico rexistrado este venres ao chocar de maneira frontal dous vehículos no termo municipal de Forcarei.

Segundo informou o 112 Galicia, a colisión frontal entre dous vehículos sucedeu no punto quilométrico 2 da estrada EP-7201 sobre as 10,20 horas deste venres. Tras o aviso dunha persoa particular, o 112 Galicia puxo os feitos en coñecemento do 061, da Garda Civil de Tráfico, do GES da Estrada e dos Bombeiros de Deza.

Autoestrada AP-9. EUROPA PRESS - Arquivo