Por Europa Press / Redacción | SANTIAGO DE COMPOSTELA | 21/06/2019 | Actualizada ás 17:19
A Garda Civil da Coruña requisou algo máis de 2,4 toneladas de sardiña con erros na etiquetaxe na lonxa coruñesa de Portosín, ao non estar garantida a súa rastrexabilidade.
Os feitos ocorreron durante a inspección realizada nos almacéns desta instalación, dentro dos controis da campaña da sardiña e a escasos días da celebración de San Xoán.
Os efectivos localizaron nun de almacéns sesenta caixas de sardiña paletizada con etiquetas de pesada e rastrexabilidade. Con todo, tras proceder ao pesado, a cantidade non concordaba co apuntado nas etiquetas, polo que foi incautada.
No segundo dos almacéns atoparon dous palets con 48 caixas de sardiña cada un, aos que un empregado colocou tres etiquetas de pesada durante a inspección. Os pesos apuntados tamén eran diferentes dos reais, polo que se procedeu á súa incautación.
As sardiñas foron depositadas nunha cámara frigorífica para a súa posterior entrega a un centro benéfico.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.