Por Galicia Confidencial | Compostela | 04/07/2019 | Actualizada ás 20:50
O presidente da Xunta, Alberto Núñez Feijóo, está convencido de que a solución para gobernar Galicia non pasa pola esquerda, nin polo nacionalismo, nin pola esquerda nacionalista. “Se a alternativa son os catro partidos políticos do Parlamento pois iso non é alternativa ningunha”, dixo.
En resposta a unha pregunta do Galicia Confidencial, Feijóo ninguneou aos grandes partidos da oposición e considerou que ese remexido de siglas e proxectos políticos non poden ser o futuro de Galicia. “Non creo nunha alternativa que sexa o PSOE, o BNG, En Marea e os que aínda non teñen nome”, suliñou.
“Iso sería un bipartito multiplicado por dous, un cuatripartito e esa non é a solución para Galicia, máis ben todo o contrario”, destacou en resposta a un posible pacto se os populares non acadan a maioría absoluta nas eleccións autonómicas do vindeiro ano.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.