Anova expresa o seu "compromiso de contribuír" á derrota do PP en 2020, pero decidirá a forma no seu proceso interno

A formación nacionalista encara o seu sétimo 25 de xullo en pleno proceso de 'refundación', que concluirá no outono.

Por Europa Press / Redacción | SANTIAGO DE COMPOSTELA | 18/07/2019 | Actualizada ás 15:18

Comparte esta noticia

O portavoz nacional de Anova, Antón Sánchez, expresou que a organización que encabeza ten claro o seu "compromiso de contribuír da mellor maneira posible a terminar co nefasto ciclo" de Alberto Núñez Feijóo á fronte do Goberno galego, aínda que a fórmula aínda non está definida e sairá do proceso interno que a organización nacionalista pechará no outono.

O portavoz nacional de Anova, Antón Sánchez, e a concelleira de Marea de Vigo, Oriana Méndez, presentan os actos do 25 de xullo da formación nacionalista
O portavoz nacional de Anova, Antón Sánchez, e a concelleira de Marea de Vigo, Oriana Méndez, presentan os actos do 25 de xullo da formación nacionalista | Fonte: Europa Press

Antón Sánchez presentou os actos do partido para conmemorar o 25 de xullo. Será o sétimo 'Día da Patria Galega' que celebrará Anova desde o seu nacemento no ano 2012 e chega nun momento de "reflexión interna" aberta na organización tras o ciclo electoral da pasada primavera, no que o chamado 'rupturismo' sufriu un importante revés nas urnas ademais de supor a división do espazo da denominada 'unidade popular'.

Así, despois de optar por non concorrer ás xerais ao descartar integrarse na coalición Galicia en Común —formada por Podemos e EU—, o partido xurdido da ruptura do nacionalismo galego agrupado durante décadas en torno ao BNG marcará a súa "folla de ruta" política no outono co seu IV Asemblea Nacional.

De alí sairá, previsiblemente, a decisión de se Anova continúa coa súa política de alianzas cos que considera os seus 'socios preferentes' —Podemos e EU—, se opta por concorrer en solitario ás eleccións ou se pretende, como fixo nas xerais de abril, dar un paso ao carón e non presentarse ás autonómicas previstas para 2020.

"A día de hoxe non descartamos nada", aseverou Antón Sánchez, quen incidiu en que o "debate" interno non se cingue exclusivamente á "concorrencia ás eleccións", senón que se trata de definir o rumbo "político" da organización.

Con todo, o tamén viceportavoz parlamentario do Grupo de En Marea asegura que Anova manterá a "coherencia" mantida "desde o nacemento" do partido en 2012 co compromiso de "acumular forzas ao redor dun proxecto político de transformación radical" que non se limitase a "cambiar os inquilinos das institucións".

Unha aposta, di Sánchez, "complexa" pero que "foi entendida polas maiorías agredidas" que deron un "apoio electoral impresionante" á chamada 'unidade popular' que, no entanto, pechou o ciclo electoral deste ano cun retroceso marcado en Galicia pola perda do tres gobernos municipais das cidades coruñesas: Santiago, A Coruña e Ferrol.

"Fixemos un esforzo moi grande por romper determinados tabús, por facer propostas valentes, audaces; por facer as organizacións instrumentos útiles", incidiu, para a continuación afirmar que "o importante é que as ideas de Anova seguen sendo necesarias".

Por iso, e tras insistir en varias ocasións que a decisión definitiva sobre o rumbo do partido a decidirá as bases, Antón Sánchez subliñou que "ninguén pode acusar" a Anova de non tentar articular "as alternativas máis amplas para desaloxar ao PP das institucións". "Sempre tivemos a vontade de sumar, se non a houbo (unidade) foi por outros continxentes que non o fixeron", apostilou.

25 DE XULLO

Así as cousas, Anova abrirá os actos con motivo do 25 de xullo cun acto político en Vigo onde Antón Sánchez estará acompañado polo ex-alcalde santiagués Martiño Noriega, a concelleira no Concello de Vigo Oriana Méndez e a deputada portugesa por Bloco de Esquerda Joana Mortágua.

Dous días máis tarde, o propio Día da Patria Galega, Anova repite o escenario dos últimos para o seu acto político. Será no compostelán Parque de Galeras, onde organizarán unha comida aberta a militantes e simpatizantes.

Antón Sánchez definiu o 25 de xullo como "unha xornada lúdica e reivindicativa no Día Nacional de Galicia". "Reivindicamos que como galegos debemos cimentar un proxecto colectivo, nacional, que debe estar baseado nos principios e valores da esquerda", engadiu.

"A cuestión nacional non deixa de ser a outra cara da cuestión social. Reivindicamos a necesidade de que nós mesmos nos gobernemos para mellorar as condicións de vida das persoas", incidiu.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 7 comentarios

3 miña nai querida...

O que está claro e que agora si.... unha alternativa de abaixo cara arriba e de esquerda a dereita e dalle que si e dalle que non, pois fora do camión¡¡¡ Living Galicia loca¡¡¡ qué crus¡¡ Pero a que xogamos os Galegos?

2 Ammioh

En qué cafetería de Compostela será o xantar?

1 Compostelano putrefacto

En cualquiera que el pagafantas de turno les pague el café. Como siempre.

1 Dalle que libras

Agardemos a que non sigan sendo os tontos utís de Izquierda Unida e Podemos e conformen una alternativa de esquerdas e nacionalista

1 Orduño

Moito mellor ser os tontos útiles de La Vox de Galicia e do PSOE como é o BNG.

2 Compostelano putrefacto

Sinceramente, lo de útiles creo que les queda grandes.

3 Compostelano putrefacto

Pues yo no creo que sean útiles.