As capturas e a facturación caeron a niveis de hai tres lustros nos momentos máis críticos da pandemia. Con todo, o emprego non se viu afectado polo efecto protector das medidas adoptadas polas administracións para protexer os postos de traballo, como destacan investigadores da Universidade de Vigo nun novo estudo. Agora, a escalada imparable do prezo do gasóleo e a folga de transportistas golpean aínda máis un sector que xa estaba ferido pola covid-19.