Portugal quere atraer a industria do automóbil que opera en Galicia

Galicia ten unha das maiores plantas de produción de vehículos da península, pero o Goberno luso comezou unha intensa campaña para atraer cara o norte do país ás grandes marcas. Por iso, se acaba de instalar en Monção o maior laboratorio i+D+i do automóbil de Europa.

Por Galicia Confidencial | Vigo | 28/07/2019 | Actualizada ás 21:40

Comparte esta noticia

Hai unha semanas o Grupo ISQ inauguraba un novo Laboratorio en Monção. O seu obxectivo é converterse no maior laboratorio de ensaios ambientais de compoñentes de automóbil de Europa. Unha inauguración na que estivo o Secretario de Estado da Economía de Portugal, João Correia Neves. E é que o Goberno luso leva meses traballando nunha nova estratexia industrial que pasa pola captación de grandes empresas ofertando ventaxas fiscais e parcelas industriais a moi baixo prezo.

Planta da portuguesa ISQ, especializada en investigación da industria de vehículos e automóbiles
Planta da portuguesa ISQ, especializada en investigación da industria de vehículos e automóbiles | Fonte: ISQ

“A creación de entidades e infraestruturas deste tipo en Portugal e proxectadas desde o inicio cunha vocación internacional, son cruciais para a atracción de investimento directo estranxeiro para Portugal pois ofrecen solucións integradas e con valor engadido para quen se quere instalar en Portugal”, apuntaba Pedro Matias, presidente do Grupo ISQ na inauguración desta planta.

No caso concreto do ISQ o obxectivo estratéxico é aproximarse á industria automóbil de Galicia e o posicionamento en grandes mercados emerxentes. De feito, este centro tecnolóxico estará especializado en compoñentes que se integran nas próximas xeracións de vehículos: máis intelixentes, ecoeficientes, sustentábeis e autónomos. 

GRUPO PSA

A ISQ ten os ollos postos no Grupo PSA, que reúne marcas como a Peugeot, Citroen e a Opel, e que ten a súa gran factoría en Vigo. Pero tamén quere atraer a outras marcas coma o Grupo Renault; o Grupo Volkswagen, que reúne marcas como a Volkswagen, Audi, Porsche; ou o Grupo FIAT. Ademais da propia industria do automóbil, o centro tecnolóxico tamén estará enfocado aos fabricantes de compoñentes como por exemplo a Bosch, Yazaki, Borgwarner, Valeo, ZF ou Magna.

Factoría de Citroën en Vigo. PSA - Archivo
Factoría de Citroën en Vigo. PSA - Archivo

Por outro lado, o Grupo ISQ está a traballar moito de preto co Centro Tecnolóxico de Galicia (CTAG) . De feito, este gran laboratorio xa está a estudar co CTAG unha aproximación estratéxica para que a Península Ibérica ofreza aos construtores e fabricantes de compoñentes automóbil unha oferta integrada de solucións de probas e validación.

Por iso, esta planta quere especializarse en compoñentes eletrónicos e tecnolóxicos. Xa que, canto máis evoluciona a industria do automóbil, máis complexa é a batería de probas que os mesmos teñen que efectuar. Deste xeito, as áreas de especialización deste Laboratorio serán probas de fiabilidade; ensaios de corrosión e índice de protección; ensaios de compoñentes automóbil na área da Físico-Química e Materiais; simulación de compatibilidade eletromagnética ou enxeñaría de procesos.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 4 comentarios

2 Anonimo 2

Pois lembremos o que nos dicía Castelao no Sempre en Galiza: “Non esquezamos endexamais a Dinamarca. Neste país —modelo que debemos imitar— eisisten 18 Estacións esperimentaes, sóio para plantas, e nada máis que unha Escola de Agricultura”. Os nacionalistas están calados, mais non gobernan e non gobernaron 31 dos 38 anos da autonomía incluíndo os 10 últimos, que tamén están calados e non souberon o non quixeron crear centros tecnolóxicos punteiros relacionados coas actividades que se realizan na Galiza.

1 FdBC

A xunta leva décadas financiando o CTAG de Porriño, pero a Xunta non ten culpa do dumping portugués.

2 Anonimo 2

Pois de o dumping português é ilegal, a Xunta teria que o denunciar em Europa e não ficar calada, com o que algo de culpa tem.

1 vmvp

Dumping, axudas ilegais e guerra económica, e por suposto, o nacionalism galego calado, porque nunca defendeu a Galicia, senón os seus intereses particulares.