O líder do PP galego convencido de que Sánchez convocará eleccións en novembro

Feijóo cre que o líder socialista non ten "ningunha intención de pactar nada con Podemos".

Por Galicia Confidencial | Compostela | 01/08/2019 | Actualizada ás 15:24

Comparte esta noticia

O presidente galego está convencido de que o presidente do Goberno español en funcións, Pedro Sánchez, quere convocar novas eleccións en novembro. Por iso, cre que a decisión de articular un programa de investidura con colectivos sociais é unha nova manobra do PSOE para tentar dilatar no tempo esta decisión e ter excusas para convocar novos comicios.

O presidente do Goberno en funcións, Pedro Sánchez, se reune co presidente de Francia e o primeiro ministro de Portugal en Bruxelas. Moncloa
O presidente do Goberno en funcións, Pedro Sánchez, se reune co presidente de Francia e o primeiro ministro de Portugal en Bruxelas. Moncloa

Na rolda de prensa posterior ao Consello da Xunta, Feijóo asegurou que o obxectivo de Sánchez "non é gobernar, senón estar no goberno" e por iso, criticou duramente a súa proposta de falar con colectivos sociais para presentar un programa que sexa apoiado sen ningún tipo de contrapartidas polo resto dos grupos parlamentarios. "Iso faise antes, non agora logo de ir a unha sesión de investidura fracadasada", suliñou.

Para Feijóo, o obxectivo do líder socialista é volver convocar unhas novas eleccións. "Non lle interesa pactar con Podemos, senón unhas novas eleccións", destacou. O propio Feijóo tivo que variar o seu discurso xa que a pasada semana aseguraba que o PP podería absterse na sesión de investidura se chegara a un acordo co PSOE. Pero, este xoves, dixo que é case imposible que o PP poida apoiar a Sánchez "logo do acordo do PSOE con Bildu para gobernar Navarra".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta