Un pasaxeiro conflitivo obriga a que un voo Santiago-Londres regrese a Lavacolla aos 15 minutos

Un pasaxeiro conflitivo provocou que un voo entre Santiago e Londres dese a volta quince minutos despois do despegue. O avión aterrou sen incidencias e saíu unha hora máis tarde.

O voo tiña como destino o aeroporto de Stansted, en Londres. Logo do retraso provocado por un dos viaxantes, puido partir de novo case unha hora despois. Chegou a Londres un pouco antes das dúas da mañá. Así o informa a conta de Twitter de Controladores Aéreos de España.