O XXIV Congreso Estatal de Astronomía celebrarase na Coruña o ano que vén
Á cidade herculina achegaranse personalidades como a astrofísica Jocelyn Bell e desde a organización din qe será o primeiro congreso de astronomía que se realiza en Galicia
Por E.P. | A CORUÑA | 08/08/2019 | Actualizada ás 19:04
A Coruña acollerá o próximo ano, entre o 30 de abril e o 3 de marzo, o XXIV Congreso Estatal de Astronomía con relatoras, entre outros, como a astrofísica Jocelyn Bell. O acto de presentación contou coa participación do concelleiro de Cultura do Concello herculino, Jesús Celemín, quen asegurou que a intención do goberno local é que a cidade volva ser circuíto de grandes congresos, e da vicepresidenta da Asociación Astronómica Ío, Denébola Álvarez.
Sobre este encontro, explicou que é o primeiro congreso de astronomía que se realiza en Galicia e que a previsión é que acudan "entre 200 e 300 persoas". Sobre os temas a tratar, expuxo que serán variados, desde a contaminación lumínica ata os avances en astrofísica ou a óptica do espazo.
Entre os relatores xa confirmados, estarán astrofísicas galegas, entre elas Ruth Carballo, ou o astrofísico Enrique Pérez Montero, do Instituto de Astronomía de Andalucía, e do que a vicepresidenta da Asociación Astronómica Ío destacou o labor divulgativo que realiza neste campo.
