Cabalos atados a árbores en "pésimas condicións" en Ponteceso

A asociación Libera! e a Fundación Franz  Weber denunciaron a presenza de dous cabalos atados a árbores en malas condicións nunha leira de Ponteceso (A Coruña), ambos sen refuxio nin auga.

Segundo aseguran, trátase do segundo caso en menos dun mes nos que "se localizan cabalos inmobilizados de forma continuada, sen cumprir coa normativa vixente de benestar animal e presumiblemente sen estar debidamente identificados con microchip, como obriga a lexislación".

Os  animalistas sinalan que estas prácticas "supoñen un sufrimento continuado aos cabalos", xa que limita os seus movementos de forma permanente e pode chegar a provocar danos psíquicos.

As ONG xa trasladaron o caso á Consellería do Medio Rural e lembraron que reclamaron nos últimos anos unha Lei de Protección Equina "que reúna todas as diferentes normas que se relacionan coa protección e benestar dos équidos da comunidade, e que agora están distribuídas en diferentes decretos".