Acusan á empresa Coremain de deslocalizar actividade a Perú ademais de non renovar contratos ao 20% do persoal

A CIG denunciou que a empresa Coremain non renovou o contrato a un 20 por cento dos traballadores, entre xente da propia compañía e de ETTs e que, ao mesmo tempo, abriu a mesma actividade en Perú.

É por iso que o sindicato, nun comunicado, advertiu da suposta "deslocalización" da actividade e que o persoal afectado realizou un "enorme esforzo" tras atrasar unha subida salarial a mediados de 2018 prevista no convenio.

Agora, engade a CIG, estes traballadores "están a ver como non se lles renova o contrato antes de que se faga efectiva a subida acordada", lamentando a "precarización" das condicións de traballo á que ven sometidos moitos traballadores do sector.

Ordenador portátil .