Interceptados 663 quilos de cocaína no segundo alixo esta semana no porto de Marín

A droga viña oculta nun colector de plátanos nun barco.

Por Europa Press / Redacción | SANTIAGO DE COMPOSTELA | 14/11/2019 | Actualizada ás 16:24

Comparte esta noticia

A Garda Civil interceptou un total de 663 quilos de cocaína no segundo alixo localizado esta semana no porto de Marín (Pontevedra). Esta actuación produciuse na tarde do mércores, tras o aviso á Garda Civil de axencias internacionais de investigación na loita contra o tráfico de drogas.

Imaxe do centro urbano de Marín
Imaxe do centro urbano de Marín | Fonte: foto wikimediaCCPR

A droga viña oculta nun colector de plátanos nun barco que facía a ruta comercial entre América e Europa, localizada por axentes do Eco Galicia e da Unidade Central Operativa (UCO) de Madrid.

Esta operación fíxose baixo a coordinación da Fiscalía Antidroga de Pontevedra e axentes especiais contra o crime organizado, que estableceron un dispositivo de inspección do buque. Contou coa colaboración da Garda Civil de Pontevedra e Aduanas.

Na madrugada do martes interviñéronse, no marco dun control rutineiro uns 200 quilos de cocaína ocultos nun colector procedente de Colombia que transportaba material de construción.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta