Por Europa Press / Redacción | SANTIAGO DE COMPOSTELA | 18/11/2019 | Actualizada ás 18:31
O secretario xeral de Política Lingüística, Valentín García, participou este luns na presentación da publicación 'Homenaxe a Evaristo de Sela. Estudos e lembranzas sobre a vida e obra do helenista e poeta', editado por Xerais co apoio da Xunta e baixo a coordinación de Stella Maris González Balbuena, filla do autor, e de Xosé Abilleira Sanmartín.
García Gómez destacou na súa intervención a importancia deste "relevante helenista e latinista", que se ocupou da tradución ao galego de textos literarios en lingua grega, tanto clásica como moderna, e latina, faceta na que trouxo á lingua galega obras cume da literatura universal como a Ilíada e a Odisea.
Este labor, destacou o secretario xeral, buscaba o "enriquecemento do galego como sistema lingüístico e como ferramenta literaria" vinculada ás pezas clásicas, pondo, para iso, "todo a súa saber de filólogo e o seu bo facer artístico ao servizo desta causa".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.