Ferrol érguese por un ferrocarril "en condicións"
A Plataforma pola Defensa do Tren convoca unha marcha para o día 14.
- A área de Vigo e Ferrol conseguen 7,8 millóns da Unión Europea para mellorar as súas infraestruturas de transporte
- O norte de Galicia pide un tren "público, ecolóxico, eficiente e sostible" cunha viaxe reivindicativa
Por E.P. | CORUÑA, A | 10/12/2019 | Actualizada ás 18:39
A Plataforma pola Defensa do Tren convocou para o sábado, día 14, unha manifestación en Ferrol, que partirá ás 12,30 horas na estación do ferrocarril, segundo informa. Esta nova protesta súmase aos actos reivindicativos que esta Plataforma realizou desde a súa constitución, no ano 2013.
O colectivo elixiu a cidade de Ferrol por ter "un tren de proximidade absolutamente abandonado, como é o ferrocarril de ancho métrico (o Feve) a Ribadeo, que comunica Galicia co País Vasco", lembra.
Ademais, asegura que ten o tren á Coruña "cunha infraestrutura que apenas se tocou desde fai cen anos". De Ferrol, afirma tamén que é unha cidade que necesita "ter un ferrocarril en condicións".
Como noutras ocasións, a plataforma convidou as corporacións municipais dos concellos por onde pasa o tren da Coruña ata Ribadeo por considerar que é "fundamental" para o futuro deses concellos.
