Ferrol en Común acusa ao actual alcalde de "enmerdar" e "manipular" a acción do anterior goberno

O grupo liderado por Jorge Suárez asegura que a falta de pagamento ao Consorcio non se debeu a "razóns políticas" senón a situacións que viñan de gobernos anteriores e a "borradores de convenios" non executados.

Por Europa Press / Redacción | SANTIAGO DE COMPOSTELA | 16/12/2019 | Actualizada ás 20:46

Comparte esta noticia

O grupo municipal de Ferrol en Común acusou ao actual alcalde da cidade, Ángel Mato (PSOE), de "manipular a realidade" e reprobou que o seu obxectivo é "desprestixiar" o seu goberno, que se prolongou entre os anos 2015-2019.

A través dun comunicado saíron ao paso das declaracións realizadas polo actual rexedor, que trasladou que o goberno liderado por Jorge Suárez non realizara os pagos ao Consorcio Galego de Benestar Social durante os anos 2017, 2018 e o primeiro semestre do actual ano e atribuíu a falta de pagamentos a "motivos políticos".

Por contra, Ferrol en Común trasladou que "nas discrepancias co Consorcio Galego de Benestar Social non hai ningunha decisión política e, moito menos, intención de deixar desatendidas familias". "Ferrol en Común non deixa a ninguén atrás", proclamou.

"O que había era a redacción duns convenios tan abstractos e defectuosos que practicamente ningún técnico podería delimitar que gastos corresponden ao Concello e cales á Xunta, problemas técnicos que viñan herdados e moi anteriores á nosa entrada no goberno, que a súa compañeira de partido, Beatriz Sestayo, compartía e mesmo Rosa Martínez Beceiro, do Partido Popular", explican no seu comunicado. "No noso mandato non estendiamos cheques en branco, pero iso non quere dicir que deixásemos desatendidas á as persoas", agregan.

"MANIPULACIÓN"

Ferrol en Común acusou ao alcalde de Ferrol de "solapar a inexistencia dun proxecto de cidade manipulando a realidade, tras medio ano de goberno baleiro de ideas e contidos, fragmentado e pechado en si mesmo". Ademais, consideraron "significativo e sorprendente que o alcalde persoalmente trate de emendar a acción do anterior mandato, e máis en materia de benestar".

FERROL JORGE SUÁREZ. REMITIDA
FERROL JORGE SUÁREZ. REMITIDA

"Observamos con preocupación que as súas políticas se basean en desprestixiar o goberno anterior, tratando de tapar a súa ineficacia e apropiándose de proxectos que son da época anterior, con visitas de pompa". "Desexamos saber se desde agora somos considerados inimigos políticos do goberno municipal, xa que o noso apoio foi sempre construtivo e en prol do progreso social, cultural e urbanístico da cidade, apostando pola participación, o emprego e o benestar", conclúe Ferrol en Común.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta