Pontón acusa a Rueda de non executar 127 millóns en vivenda a pesar da "crise estrutural" que sofre Galicia

A portavoz nacional do BNG, Ana Pontón, criticou que o presidente da Xunta, Alfonso Rueda, deixase sen executar ata 127 millóns de euros en vivenda paralelamente nun contexto de "crise estrutural" de vivenda en Galicia, e ante a que lamenta a "falta de respostas" do Goberno galego.

Así o trasladou este venres, xornada na que, tal e como informou o BNG nun comunicado, Pontón visitou a factoría do Grupo Rodiñas, no Polígono industrial de Teixeiro, en Curtis (A Coruña). "Mentres miles de persoas non poden acceder a unha vivenda", a Xunta "non é capaz nisiquiera de pór eses recursos ao servizo da cidadanía", trasladou

Conforme ha tralasado o BNG, na visita, a portavoz nacional do Bloque puido coñecer de primeira man o funcionamento desta empresa punteira en construción industrial, unha alternativa cunha "gran aposta pola innovación" e que pode ser, "unha vía máis rápida, máis eficiente e máis sustentable" para construír un parque de vivenda pública e aumentar a oferta residencial en aluguer a prezos que as familias poidan pagar.

Pontón defendeu o impulso dun novo modelo de vivenda pública que contemple tres grandes eixos de actuación: aumentar o parque público; estender a perpetuidad e a cualificación de todos os inmobles protexidos e non só os públicos e establecer unha rede de protección social que evite que "as persoas que están en situación de vulnerabilidade poidan quedar na rúa".

Tamén, defendeu a intervención no mercado libre da vivenda para limitar o prezo do aluguer de maneira que sexa asumible para as familias e os mozos.

Segundo Pontón, a Xunta ten competencias para "regular e controlar" o que pagan os inquilinos, "e debería facelo no conxunto do País".

A líder do BNG, Ana Pontón, visita o Grupo Rodiñas en Teixeiro, Curtis (A Coruña). BNG | Fonte: Europa Press