O galego Antonio Macho, reelixido decano dos Químicos de España
O representante dos químicos e o seu equipo tomarán posesión do cargo en Madrid nas primeiras semanas de 2020.
- O Nobel de Química ve no oco que deixan EE.UU. e o Brexit unha oportunidade para investir en ciencia
- Ciencia na Eurorrexión: as universidades portuguesas producen máis que as galegas
Por E.P. | SANTIAGO DE COMPOSTELA | 21/12/2019 | Actualizada ás 18:46
O químico galego Antonio Macho Senra foi reelixido decano-presidente do Consello Xeral do Colexios oficiais de químicos de España (CGCOQ), cargo que ocupaba desde 2016 e que seguirá ostentando durante os próximos catro anos.
O máximo representante dos profesionais da química en España é tamén presidente de Unión Profesional de Galicia, entidade que representa corenta colexios profesionais da autonomía e a 65.000 profesionais colexiados de diferentes ámbitos. O representante dos químicos e o seu equipo tomarán posesión do cargo en Madrid nas primeiras semanas de 2020.
O Consello Xeral de Colexios Oficiais de Químicos de España abriu o pasado mes de outubro un proceso electoral para elixir o decano-presidente e á nova Xunta Directiva que levarán o temón da entidade ata inicios de 2024.
Antonio Macho liderou a única candidatura que se presentou ás eleccións celebradas na tarde deste venres en Madrid no seo do Consello Xeral de Colexios Oficiais de Químicos de España. Recibiu o apoio de oito colexios territoriais (61,5 por cento) dos trece entes colexiais que tiñan dereito a emitir o seu voto para renovar o máximo órgano de goberno do CGCOQ. A súa candidatura non rexistrou votos en contra.
