Por E.P. | SANTIAGO DE COMPOSTELA | 07/01/2020 | Actualizada ás 19:04
A Consellería de Medio Ambiente estudará a posibilidade de cooperar co Concello de Cariño na redacción dun plan especial de protección e reforma interior (PEPRI) do seu casco mariñeiro.
Así llo trasladou a conselleira Ángeles Vázquez ao primeiro edil, José Miguel Alonso, no transcurso da reunión que mantiveron este martes para abordar a situación urbanística do concello.
Neste sentido, o alcalde explicoulle os plans municipais para desenvolver e dinamizar o casco antigo da vila a través desta nova figura de plan, que podería contribuír a humanizar e dinamizar unha zona conformada por unhas 800 leiras urbanas e máis de 710 vivendas, na súa maioría de estilo mariñeiro, que a día de hoxe están fóra da PXOM vixente desde o ano 2000.
Ante a petición de colaboración que lle fixo o rexedor cariñés, Ángeles Vázquez comprometeuse a estudar a posibilidade de que o seu departamento colabore co concello para sacar adiante o plan especial. En todo caso, subliñou que calquera vía de colaboración entre ambas as administracións deberá contar co compromiso do Concello de asumir parte do financiamento necesario para levalo a cabo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.