Por Europa Press / Redacción | SANTIAGO DE COMPOSTELA | 14/01/2020 | Actualizada ás 19:28
Unha monitora que circulaba nun autobús escolar durante unha ruta evitou un accidente á primeira hora deste martes no municipio de Cuntis.
O vehículo iniciou ás 08.00 horas o seu percorrido habitual para recoller aos nenos, en dirección ao centro Don Aurelio de Cuntis. Tras a primeira parada, onde se subiron dous escolares, e cando circulaba entre Loureiro de Arriba e de Abaixo, o condutor comezou a marearse e desmaiouse.
Nese instante, segundo relatan fontes de Protección Civil, a monitora que se atopaba no autobús escolar reaccioniou rapidamente suxeitando o volante, para posteriormente sacar o vehículo da estrada a man dereita, a unha parte máis chea.
Os servizos sanitarios trasladaron o condutor a un centro médico e varios pais acudiron ao lugar para levar aos seus fillos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.