O BNG pregunta se a dimisión dun cargo da Xunta está relacionada coa denegación de permiso para un evento de caza

O campionato provincial de caza do raposo de Lugo, previsto para o pasado sábado en Monforte, foi suspendido pola organización por non contar coa a autorización do xefe de servizo provincial de Patrimonio natural, da Consellería de Medio Ambiente.

O BNG rexistrou unha batería de iniciativas para aclarar esta situación, posto que este cargo presentou a súa dimisión esta mesma semana para, acto seguido, ser autorizada a celebración do campionato galego para este sábado en Triacastela e Láncara.

Neste sentido, o deputado Luís Bará pregúntase se a renuncia está relacionada, precisamente, coa denegación para autorizar dita proba e o criterio da Administración pública para autorizar o campionato, tras reiterar que o BNG considera "aberrante" que se lle deste formato por equipos a "unha matanza indiscriminada".