Por Europa Press / Redacción | SANTIAGO DE COMPOSTELA | 07/02/2020 | Actualizada ás 11:54
Un home de idade avanzada, veciño de Ribeira de Piquín, aceptou seis meses de prisión por unha estafa á Seguridade Social por cobrar a pensión dunha irmá morta, tras alcanzar un acordo as partes antes da celebración do xuízo no Xulgado do Penal número 1 de Lugo.
A estafa produciuse entre abril de 1999 ata maio de 2015, durante 16 anos nos que o procesado cobrou a mensualidade da pensión dunha irmá falecida e que ascendía a uns 200 euros.
Inmediatamente despois o home "reparou o dano", confirmou a súa avogada, Ana Goñi, ao devolver á Seguridade Social máis de 33.000 euros, 25.000 que puxo el directamente e 8.000 a través do banco.
O ancián non terá que entrar en prisión xa que non conta con antecedentes penais. A Fiscalía, que aceptou o acordo, pedía inicialmente dous anos de cárcere.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.