Por Europa Press / Redacción | SANTIAGO DE COMPOSTELA | 05/03/2020 | Actualizada ás 13:41
O delegado do Goberno en Galicia, Javier Losada, reivindicou este xoves o "robusto" Sistema Nacional de Saúde para combater o coronavirus e expresou a "confianza en todos os técnicos e persoal sanitario, e do persoal de investigacións científicas que traballan co Ministerio e coas consellerías de cada comunidade".
"O Ministerio de Sanidade en total colaboración coas comunidades autónomas, co Sistema Nacional de Saúde que temos, está controlado e tomando as decisións oportunas", sinalou. "No caso de Galicia a Consellería de Sanidade, falei co conselleiro, está a tomar unhas decisións de control, prevención e información e creo que se está facendo dunha forma moi correcta, están a tomarse todas as medidas que establecen a nivel científico os técnicos, e hai que transmitir a total confianza no Sistema Nacional de Saúde, en todos os técnicos e o persoal sanitario", subliñou.
Ademais, o delegado aproveitou para pedirlle "á cidadanía que siga as normas, que siga os procedementos e que estean coa tranquilidade de que o Sistema Nacional de Saúde é robusto, coñece perfectamente o que se ten que levar a cabo e estao facendo con total e absoluta normalidade ante un proceso nun país moderno como é España onde se coordina e trabállase en colaboración para a protección da saúde pública". "Hai que trasladar tranquilidade dentro do que é un problema sanitario ao que se está atendendo", sentenciou o delegado do Goberno en Galicia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.