Por Europa Press / Redacción | SANTIAGO DE COMPOSTELA | 12/05/2020 | Actualizada ás 19:54
Representantes de diversas entidades locais, que forman parte do Fondo Galego de Cooperación e Solidariedade, únense a outros de países lusófonos como Mozambique, Cabo Verde, Guinea-Bissau ou São Tomé e Príncipe para impulsar a campaña 'Os municipios cooperan'.
O obxectivo é aproveitar as redes para visibilizar a necesidade de reforzar a solidariedade internacional pola crise sanitaria, coa participación de alcaldes, concelleiros e representantes de asociacións locais.
A campaña desenvólvese a través de diversos vídeos que se comparten nos perfís de 'Facebook' do Fondo Galego, para lanzar unha mensaxe no que estes cargos poñen en valor a necesaria colaboración internacional e en "non dar as costas" ás circunstancias que se viven no "outro extremo do planeta".
Así, urxen "unha resposta global" ante as consecuencias da COVID-19, que "non entende de fronteiras", e que require dunha colaboración entre países que se fai "máis necesaria que nunca".
O Fondo Galego lembra que en moitos países da África lusófona viven en "crise permanente" pola falta de medidas de protección social e se pon en risco a seguridade alimentaria "de millóns de persoas", que viven situacións de pobreza, guerras ou que contan con campos de refuxiados.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.