O BNG critica que Feijóo faga electoralismo coas residencias ao anunciar visitas "prohibidas"

Critica que instara a familiares a ver a residentes antes da fase 2 como decretara o Goberno central.

Por Europa Press / Redacción | SANTIAGO DE COMPOSTELA | 18/05/2020 | Actualizada ás 13:23

Comparte esta noticia

A portavoz nacional do BNG, Ana Pontón, denunciou que o presidente da Xunta, Alberto Núñez Feijóo, usase "a dor das familias" que teñen seres queridos en centros de maiores ou residencias de atención á diversidade ao anunciar visitas que estaban "prohibidas" no propio Boletín Oficial do Estado (BOE).

En rolda de prensa telemática, Pontón pediu "fuxir da frivolidade" ao presidente da Xunta e censurou que dixese "unha cousa e o contrario en menos de 48 horas" para as residencias de maiores. Anunciou que os familiares ían poder visitar estes centros "sabendo que non era posible pola normativa vixente e 48 horas despois cancela as visitas", censurou.

A dirixente nacionalista sinalou que o BNG é "moi crítico coa improvisación" do Goberno central, pero, indicou, nesta ocasión "este tema era moi clara a posición que había, porque estaba publicada no BOE e non houbo ningún vaivén nin cambio de criterio". Así, aseverou que Feijóo pretendeu un "uso partidista" e xogou "" co sentimento das familias.

"Estráñanos que despois dun Consello da Xunta o venres anunciase aos catro ventos (estas visitas), e ese protocolo non aparece nin nese Consello nin se publicou nunca no Diario Oficial de Galicia (DOG)", evidenciou Pontón.

"É un feito moi grave. Feijóo usa a dor das familias para facer electoralismo e actuando de forma irresponsable", reprobou a dirixente do Bloque, quen pediu "explicacións" ao mandatario autonómico, por xogar "cunha situación tan sensible como son as residencias de maiores".

Doutra banda, volveu a pedir o material "adecuado" para garantir a seguridade e saúde nestes centros de maiores e ir preparando a situación para cando se poidan realizar as visitas, a partir da fase 2, previsiblemente. Tamén volveu a pedir un "cambio de modelo privatizador" a uns servizos de atención a maiores "de xestión pública": "dereito a unha vellez digna".

Muller anciá nunha residencia de maiores. XUNTA DE ANDALUCÍA
Muller anciá nunha residencia de maiores. XUNTA DE ANDALUCÍA

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta