Por E.P. | Santiago de Compostela | 22/05/2020 | Actualizada ás 19:30
O Bloque Nacionalista Galego (BNG) instou ao Goberno central a recoñecer enfemedades neurodegenerativas como a esclerose múltiple, o párkinson ou o ELA cun grao de discapacidade do 33%.
Para iso, o Bloque realizou unha Proposición Non de Lei (PNL) para que se realice unha "modificación urxente" dos baremos empregados para determinar o grao discapacidade, recoñecendo tras o diagnóstico de enfermidades neurodexenerativas unha porcentaxe mínima de discapacidade do 33% "como corresponde á especificidade, realidade e necesidades diarias que xeran a evolución" destas patoloxías.
Así, reclama que "se recoñeza" este grao de discapacidade de forma "automática" co diagnóstico de calquera enfermidade deste tipo para que as persoas que a sofren "teña acceso a algunha protección social, ata agora inexistente".
O deputado do partido no Congreso, Néstor Rego, destacou que "co recoñecemento automático dunha discapacidade e de acceso a medidas de apoio conseguiríase que as persoas afectadas por estas enfermidades se manteñan activas o maior tempo posible".
Tamén argumentou que "a grave deterioración física e cognitiva" derivada destas doenzas "supón unha desprotección para as persoas adultas en idade laboral que as padecen" e suxire "problemas" á hora de "continuar no seu posto traballo, as súas perspectivas de promoción e carreira profesional e a conciliación entre a súa vida laboral e o desenvolve da enfermidade".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.