A UDC facilita a matrícula da ABAU de forma telemática

A Universidade da Coruña (UDC) habilitou un espazo web con toda a información sobre as probas de acceso á universidade no que ademais, por primeira vez, "o alumnado procedente de ciclos formativos de grao superior, de bacharelato de cursos anteriores e con estudos estranxeiros (non universitarios) homologables, así como o alumnado que queira mellorar a súa nota de admisión á universidade, poderá realizar de forma telemática a matrícula para a ABAU".

Segundo lembra o reitorado coruñés, este colectivo tiña que realizar estes trámites de forma presencial ata este ano no Lugar de Entrega e Recollida de Documentos (LERD) nos campus da Coruña e de Ferrol. "Pero agora, co fin de evitar desprazamentos e contribuír á mellora da seguridade do alumnado e dos propios traballadores da UDC, poderán realizarse de forma virtual ata o día 17 deste mes", informa.

O proceso de matrícula para o alumnado que actualmente está a cursar bacharelato faise directamente no seu centro de ensino sendo este quen posteriormente envía de forma telemática as inscricións á universidade.

Alumnado preparando a Selectividade